Contact

© 2016 - 2018 Konur í orkumálum.

  • Black Facebook Icon
  • Black Instagram Icon

Konur í orkumálum

Kennitala: 520716-1220

Sími: +354 8402242

Stjórn Kvenna í orkumálum hefur ákveðið að hrinda af stað nýju verkefni veturinn 2018/19. Um er að ræða útgáfu jafnréttisstimpils fyrir viðburði sem uppfylla fyrirfram skilgreind viðmið um kynjahlutfall hvað varðar framsögu á viðburðum. 

Hvernig fær viðburður jafnvægisstimpil KÍO? 

Viðburðir sem koma til skoðunar geta verið opnir fundir, vinnustofur og ráðstefnur fyrirtækja og samtaka. Viðburðir sem ná að uppfylla kynjahlutfall hvað varðar framsögu á fundinum (að meðtöldum fundarstjóra) upp á að minsta kosti 40/60% fá stimpil félagsins. Viðburðir með þremur framsögumönnum eða færri geta því ekki fengið stimpilinn.

Stjórn KÍO mun upplýsa um þá viðburði sem ná uppgefnu viðmiði og gefa út „Viðburður í jafnvægi“. Viðburðarhaldarar geta sjálfir notað Jafnvægisstimpil KÍO og merkið sem honum fylgir, sínum viðburði til framdráttar. Með þessu verkefni viljum við hvetja viðburðahaldara sérstaklega til þess að huga að þessu jafnvægi kynjanna í skipulagningu viðburða og umbuna þeim sem ná viðmiðinu.

Stjórn Kvenna í orkumálum mun halda utan um lista yfir þá viðburði sem ná viðmiðinu og birta hann á samfélagsmiðlum.

Ábendingar

 

Við viljum eindregið hvetja félagskonur og -menn KÍO sem og alla sem standa að hvers kyns viðburðum í orkugeiranum til þess að benda okkur á viðburði sem óskað er eftir að KÍO taki út.  Stjórn KÍO fer þá yfir hvort viðburðurinn uppfylli viðmiðin fyrir úttekt og í kjölfarið verður gefinn út stimpill og merki, sé ofangreint kynjahlutfall uppfyllt.

 

Ábendingar má senda á konuriorkumalum@gmail.com eða í skilaboðum til okkar á facebook síðu félagsins: https://www.facebook.com/konuriorkumalum/


#KonurÍOrkumálum
#ViðburðurÍJafnvægi 
#JafnvægisstimpillKÍO
#JafnvægiÍOrkumálum
#Jafnrétti

Fyrri viðburðir

Hérna er hægt að skoða fréttatilkynningar sem KÍO hefur gefuð út um viðburði sem hafa verið skoðaðir fyrir Jafnvægisstimpil KÍO.